Taller centrado na importancia histórica da Declaración Universal dos Dereitos Humanos e o seu valor como eixo inspirador en todo o mundo. Esta actividade está deseñada para realizarse enteiramente en formato en liña, nunha sesión de 50-60 minutos. Os pasos que se propoñen poden realizarse na súa totalidade, mais é posible saltar algún deles se se dispón de menos tempo.
Obxectivos:
- Reflexionar sobre a Declaración Universal dos Dereitos Humanos e a súa importancia histórica.
- Pensar sobre como os dereitos humanos son importantes para a nosa vida diaria.
- Valorar de forma crítica quen son os garantes deses dereitos humanos.