Klima-aldaketaren aurkako borroka eta haren ondoriozko askotariko bidegabekeriak etengabeko gatazka badira ere, egun seinalatu batzuetan arreta berezia jar dezakegu klima-larrialdian. Egun horietako bat ekainaren 5a da, Ingurumenaren Mundu Eguna. Amnesty Internationalek bi hezkuntza-jarduera proposatzen ditu egun horretan edo egun horren inguruan egiteko. Jarduera bata edo bestea aukera daiteke.
Hasteko, metxeroetako gas-errekuntzaren aurka diharduten neska eta emakumeak biltzen dituen Guerreras por la Amazonía mugimenduaren historian oinarritutako proposamen bat. Proposamen horretan, batetik, komiki bat jasotzen da, emakume horiek metxeroen aurka gauzatutako borrokaren historia azaltzen duena fantasiazko eta abenturazko ukituekin. Bestetik, ikasgelarako plan bat jasotzen da, zenbait jardueraren bidez ikasgeletan hainbat gai lantzeko:
Zer den klima-aldaketa.
Ekuadorreko Amazoniako metxeroak: zer den petrolioa, nola funtzionatzen duten petrolio-putzuek eta nola funtzionatzen duten metxeroek.
Nola urratzen dituzten metxeroek giza eskubideak eta natura-eskubideak.
Manwha (komikia) irakurtzea.
Metxeroen kutsadurarako irtenbideak aztertzeko rol-jokoa.
Guerreras por la Amazonía mugimenduari elkartasuna adierazteko ekintza.
“Guerreras por la Amazonía: contra los monstruos de fuego” materialak esteka honetan dituzue.
Material guztiek oinarritzat dute Amnesty Internationalen ikerketa bat, non azaltzen den Ekuadorrek ez duela betetzen metxeroak ezabatzeko betebeharra, erregai fosilen industriako praktika kaltegarria izan arren. Amazoniaren alde diharduten emakume borrokalariek bizia arriskuan jartzen dute, eta, erantzun gisa, Ekuadorreko justiziak huts egin die.
Bigarren, Kolonbiako Aseinpome komunitatearen egoeran oinarritutako proposamen bat, komunitate horren giza eskubideak babesten direla bermatzen laguntzeko. Esteka honetan ekintza-proposamen bat, testuinguruko informazioa duen aurkezpen bat eta bi azalpen-bideo eskaintzen ditugu, informazio eguneratuarekin.
Aurrera goaz!