Hezkuntza giza eskubidea, ondasun publikoa eta erantzukizun kolektiboa da. Nazio Batuen Batzar Nagusiak urtarrilaren 24a aldarrikatu zuen Hezkuntzaren Nazioarteko Eguna, hezkuntzak bakean eta garapenean duen eginkizuna ospatzeko.
Herrialde guztietan pertsona guztientzako hezkuntza kalitatezko, inklusibo eta ekitatiborik gabe, herrialdeek ez dute genero-berdintasunik eskuratuko, ezta milioika mutil, neska, gazte eta heldu atzean uzten dituen pobrezia-ziklorik hautsiko ere.
Hezkuntza ezagutza akademikoak eskuratzea baino askoz ere gehiago da. Eskolan, neska-mutilek gaitasun sozialak eta emozionalak ikasten dituzte. Eskolek komunitate indartsuagoak eraikitzen laguntzen dute. Bake-garaian, herritar informatuak eta aktiboak izateko beharrezkoak diren tresnak ematen dizkie haur eta helduei. Hala ere, gatazka-garaian, hezkuntzak eginkizun are funtsezkoagoa dauka.
Gerraren nahasteak gorabehera, hezkuntza jasotzeko eskubideak bere horretan jarraitzen du. Zoritxarrez, hezkuntza izan ohi da gerraren lehenengo biktimetako bat. Hezkuntza funtsezko tresna da haurrak eta gazteak babesteko, ahalduntzeko eta itxaropena emateko gatazkek iraun bitartean eta epe luzera begira. Komunitateei indartzen, suspertzen eta bake iraunkorra lortzeko lan egiten laguntzen die.
Gatazka armatuetan eta krisietan hezkuntza jasotzeko eskubidean sakontzea proposatzen dizugu, bi hezkuntza-gidarekin. Gida horiek hezkuntzako profesionalentzako informazioa eta jarduera praktikoak ematen dituzte, eskubide horren garrantziari buruz sentsibilizatzeko eta gogoeta egiteko.
Noiz?
Urtarrilaren 24an edo Hezkuntzaren Nazioarteko Egunetik hurbil.
Egun hori ondo ez badatorkizu, ikasturteko beste edozein momentutan egin ditzakezu jarduerak.
Zer eskaintzen dugu?
“Hezkuntza gatazka-eremuetan” gida
“Hezkuntza: mundu osoan erasotako eskubidea” gida
Hezkuntza jasotzeko eskubideari buruzko bildumako beste baliabide batzuk erabiltzeko aukera.
Proposamena ikastetxeetarako bakarrik da?
Jarduerak edozein hezkuntza-espaziotan gauzatu daitezke: institutuak, unibertsitateak, gazteen elkarteak, kultur zentroak, eskolaz kanpoko jardueren saioak...