Hezkuntza-baliabideen bildumak

Giza Eskubideen Aldarrikapen Unibertsala askatasunerako eta berdintasunerako ekintza-plan globala da. Herrialde guztiak Aldarrikapenaren 30 artikuluetara lotuta daude, NBEren 1948ko akordioaren babesean.

Emakumeak munduko biztanleriaren erdia dira, eta gizonen eskubide berberak dituzte. Nolanahi ere, mundu osoko milaka emakumek eta neskak ez dituzte eskubide horiek.

Pertsona guztiok daukagu gure osasunari, gorputzari, sexualitateari eta ugalketa-bizitzari buruzko erabakiak hartzeko eskubidea. Eta espetxeratu, kolpatu edo hiltzeko beldurrik gabe egiteko eskubidea daukagu. 

Haurrak eta nerabeak Giza Eskubideen Aldarrikapen Unibertsalak eta Haurren Eskubideei buruzko Hitzarmenak aitortutako eskubide guztien titularrak dira.

Giza eskubideen arloko hezkuntzan edonork ekin dezake, edozein adinetan eta edonon, giza eskubideei (eta beste batzuenei) eta horiek aldarrikatzeko moduari buruz ikasteko. 

Herrialde askotan, espetxean sartu edo, are gehiago, heriotza zigorrera ere kondenatzen dira lesbianak, gayak, bisexualak, transgeneroak edo intersexualak, beren sexu-orientazioa edo genero-identitatea zigortu eta debekatzen duten legeen bitartez.

Giza eskubideak klima-aldaketarekin hertsiki lotuta daude. Gure existentzia bera mehatxatzeaz gainera, ondorio kaltegarriak ditu gure bizitza, osasuna, elikadura, ura eta etxebizitza izateko eskubidean.

Informazioa eta ideiak zabaltzeko, bilatzeko, jasotzeko eta partekatzeko eskubidea eta protesta egiteko eskubidea funtsezkoak dira pertsona gisa garatzeko, gure komunitateei laguntzeko eta justizia eskuratzeko.

Defendatzaileak herri eta banakoen eskubideen unibertsaltasuna eta zatiezintasuna sustatzeko eta babesteko indarkeriarik erabili gabe era baketsuan jarduten duten pertsonak dira.

Arrazaren arloko justizia lortzeak izaera-aldaketa sistemiko baterantz lan egitea dakar, arraza-zapalkuntzaren oinarrizko kausei helduz patriarkatuarekiko, kolonialismoarekiko, esklabotzarekiko eta desberdinkeria ekonomikoarekiko esku-hartzean.

Giza eskubideen urraketa larrietako asko gerraren testuinguruan gertatzen dira: sexu-indarkeria gerra-armatzat, haurren errekrutatzea, eta biztanleriaren eta azpiegituren aurkako eraso zuzenak.

Azken urteotan, mundua errefuxiatuen krisi gero eta handiagoa bizitzen ari da. Egunero, pertsona batzuek beren bizitzako erabakirik zailena hartu behar dute: beren etxea uztea, bizitza hobe bat bilatzeko, edo, besterik gabe, bizirik jarraitzeko.