Sare sozialek horiek erabiltzean egiten dugunari buruzko informazio asko biltzen dute gure gustuekin bat datozen publizitate-edukiak erakusteko asmoz. Gure bizitza aberastu dezaketen tresnak dira, baina, era berean, horiek kudeatzeaz eta garatzeaz arduratzen diren enpresa handietarako irabaziak sortzeko diseinatuta daude.
Ez dugu iradokitzen sare sozialak erabiltzeari uztea, baina gure osasunerako dituzten arriskuak ezagutu behar ditugu, bai eta horien erabileran giza eskubideak nola inplikatzen diren ere.
Hori dela eta, oso erabilgarriak izango diren bi hezkuntza-baliabide eskaintzen ditugu:
1. Irakasleentzako gida didaktikoa, ikasgelan lantzeko jarduera zehatzekin.
2. Gazteentzako oinarrizko gida, autonomoki erabili ditzaketen testu eta baliabideekin.
Ikaskuntza-emaitzak:
Sare sozialak ia edozein kosturen truke gure arretari eusteko diseinatuta eta programatuta daudela ohartzea.
Pentsamendu kritikoa garatzea sare sozialetako dinamika toxikoen aurrean: gorroto-diskurtsoak, indarkeriarako bultzada, manipulazioa, desinformazioa, etab.
- Egunerokoan sare sozialak ongi erabiltzeko tresna praktikoak izatea.