Coleccións de recursos educativos

A Declaración Universal dos Dereitos Humanos serve de plan de acción global para a liberdade e a igualdade. Todos os países están vinculados aos 30 artigos da Declaración segundo o acordo da ONU no ano 1948.

As mulleres son a metade da poboación mundial e teñen os mesmos dereitos que os homes. Con todo, milleiros de mulleres e nenas en todo o mundo non gozan destes dereitos.

Todas as persoas temos dereito a tomar decisións sobre a nosa saúde, o noso corpo, a nosa sexualidade e a nosa vida reprodutiva. E temos dereito a facelo sen medo a sermos encarceradas, golpeadas ou asasinadas.

Nenas, nenos e adolescentes son titulares de todos os dereitos recoñecidos pola Declaración Universal dos Dereitos Humanos e pola Convención sobre os Dereitos do Neno.

A educación en dereitos humanos é un proceso que calquera pode emprender, a calquera idade e en calquera lugar, para aprender sobre os seus dereitos humanos –e os doutras persoas– e a maneira de os reclamar.

En moitos países encarcérase e mesmo condénase a morte a persoas lesbianas, gais, bisexuais, transxénero e intersexuais con leis que penalizan e prohiben a súa orientación sexual ou a súa identidade de xénero.

Os dereitos humanos están estreitamente unidos ao cambio climático. Ademais de ameazar nosa propia existencia, este repercute de forma daniña no noso dereito á vida, á saúde, á alimentación, á auga e á vivenda.

O dereito a difundir, buscar, recibir e compartir información e ideas, así como o dereito á protesta, son esenciais para nos desenvolver como persoas, axudar as nosas comunidades e acceder á xustiza.

Os defensores e defensoras son aquelas persoas que actúan pacificamente, sen recorreren á violencia, para promover e protexer a universalidade e indivisibilidade dos dereitos de pobos e individuos.

Alcanzar a xustiza racial implica traballar para un cambio de carácter sistémico abordando as causas fundamentais da opresión racial na súa interacción co patriarcado, co colonialismo, coa escravitude e coa desigualdade económica.

Moitas das graves violacións de dereitos humanos cométense en contexto de guerra: a violencia sexual como arma de guerra, o recrutamento de nenos e nenas e os ataques directos contra a poboación e as infraestruturas.

Nos últimos anos, o mundo está a vivir unha crecente crise de refuxiados e refuxiadas. Cada día hai persoas que deben tomar a decisión máis difícil da súa vida: abandonar o seu fogar en busca dunha vida mellor, ou simplemente salvala.