As nenas e os nenos son titulares de todos os dereitos recoñecidos pola Declaración Universal dos Dereitos Humanos e os tratados e convencións internacionais que os desenvolven.
Ademais, debido á súa vulnerabilidade e á súa necesidade de protección especial e coidado, as persoas menores de 18 anos teñen garantidos os dereitos específicos recollidos na Convención sobre os Dereitos do Neno, aprobada o 20 de novembro de 1989 polas Nacións Unidas.
Os países asinantes (196 países, todos os do mundo menos Estados Unidos) deben incluír todos os aspectos da Convención sobre os Dereitos do Neno nas súas leis nacionais. A pesar diso, millóns de nenos e nenas son vítimas de violacións dos seus dereitos fundamentais en diversos ámbitos e en numerosos lugares do mundo.
Resultados de aprendizaxe:
Explicar o alcance dos dereitos da infancia.
Describir as obrigas dos gobernos con respecto aos dereitos da infancia.
Analizar como protexen os dereitos da infancia os nenos e nenas en diversas circunstancias.
Aplicar a perspectiva dos dereitos da infancia na túa vida cotiá.
Actuar para promover e defender os dereitos da infancia.
Duración: 90 minutos
Formato: interactivo e autoavaliativo
Certificación: certificado de participación