Talleres sobre o documental ‘El silencio de otros’

Conxunto de actividades que reflexionan sobre as violacións de dereitos humanos ocorridas durante a
Guerra Civil e o franquismo, a partir do documental de Almudena Carracedo e Robert Bahar ‘El silencio
de otros’.
Cada unha das actividades pode facerse de forma independente, sen necesidade de levar a cabo as demais.
Non obstante, recoméndase que se realicen tras a proxección completa do documental, que pode
encontrarse facilmente en plataformas en liña e grandes almacéns.

Obxectivos:
• Coñecer e comprender as violacións de dereitos humanos ocorridas durante a Guerra Civil e a
ditadura.
• Comprender a importancia da memoria histórica e de exercer unha xustiza reparadora.
• Apoderar o alumnado para que actúe ante violacións de dereitos humanos que quedaron impunes
e condicionan o noso presente e o noso futuro.
• Comprender e sensibilizarse coa dignidade e os sentimentos alleos mediante a empatía e a
solidariedade.
• Avaliar criticamente a responsabilidade das autoridades en relación con este tema.>