Para a comunidade académica en todo o mundo, preguntar é parte das tarefas profesionais e educativas; preguntan sobre o medio ambiente, a saúde, a pobreza, o desenvolvemento, a xustiza, a política e o goberno. E as respostas a esas preguntas afectan toda a sociedade. Porén, ás veces, facer preguntas pode ser perigoso. A liberdade académica protexe o dereito a faceres calquera tipo de pregunta, incluídas as preguntas delicadas: implica liberdade para pensares e faceres preguntas simplemente por curiosidade ou para profundares nun tema que realmente che importa persoalmente.
O curso ‘Preguntas “perigosas”, por que é importante a liberdade académica’ ten como obxectivo informar e fomentar o debate sobre que é a liberdade académica, como se relaciona con outros dereitos humanos e valores fundamentais da educación superior, e por que é importante tanto para a comunidade académica como para toda a sociedade.
Resultados de aprendizaxe:
- Describir como está protexida a liberdade académica polos dereitos humanos.
- Explicar as diferenzas entre a liberdade académica e outros dereitos, como a liberdade de expresión e de protesta.
- Analizar algúns dos desafíos e ameazas relativos á liberdade académica e ás comunidades de educación superior en todo o mundo.
- Desenvolver estratexias para sensibilizar, responder ás ameazas e defender a liberdade académica na túa comunidade.
Duración: 90 minutos
Formato: interactivo e auto-avaliativo
Certificación: certificado de participación