Conxunto de materiais educativos centrado no recoñecemento dos dereitos sexuais e reprodutivos como dereitos humanos.
Inclúe un glosario de termos, contido explicativo, pautas para o traballo na temática e dezasete actividades para desenvolver en grupo. As actividades están pensadas cunha orde específica e para poder afondar na temática desde un enfoque integral, malia que cada unha delas pode realizarse de maneira independente.
Obxectivos
- Facilitar a toma de conciencia sobre que son os dereitos sexuais e reprodutivos.
- Fomentar a toma de decisións en persoas novas sobre os seus corpos, opcións e desexos relacionados coa súa sexualidade, o seu xénero e os seus dereitos humanos.
- Promover o empoderamento das persoas mozas para participar na defensa e esixencia dos dereitos sexuais e reprodutivos.