Diskurtso toxikoak eta desinformazioa

Urte batzuetatik hona gero eta ugariagoak dira banako edo banako-talde jakin batzuen kontrako areriotasuna elikatzen duten desinformaziozko edukiak eta diskurtsoak. Diskurtso horiek normalizatu eta orokortu egiten dira, Interneten eta sare sozialetan, batik bat. Material honek bi tailer biltzen ditu. Lehenengoa Lehen Hezkuntzako azken zikloko ikasleentzat da, eta hitz toxikoen gaineko analisia eta hausnarketa egiteko balio du. Bigarrena, Bigarren Hezkuntzako ikasleentzat prestatua, oro har hedabideetan eta bereziki Internet zein sare sozialetan ageri diren diskurtso toxikoei eta desinformaziozko kasuei buruzkoa da. 

Helburuak:

• Zenbait esaldik edo diskurtsok eta desinformazioak berekin dakarten toxikotasuna eta eragina hobeto ulertzea.
• Diskurtso horiei erantzuteko gaitasunak garatzea.
• Gure espiritu kritikoa zabaltzea.