Errefuxiatuen eta migratzaileen eskubideak ikusaraztea eta munduko hainbat lekutan egiten diren urraketak aitortzea helburu duten hezkuntza-materialen multzoa da.
Irakasleentzako informazioa, kasu errealak eta hamaika tailer parte-hartzaile biltzen ditu, ikasgelan edo ikasgelatik kanpo lantzeko. Jarduerek ordena jakin bat dute, gaian ikuspegi holistiko batetik sakondu ahal izateko; hala ere, jarduera bakoitza modu independentean egin daiteke.

Helburuak:

• Beste kultura eta herrialde batzuetako pertsonekiko enpatia eta elkartasuna garatzea, eta haiei begirako estereotipoei eta aurreiritziei buruz gogoeta egiten laguntzea.    
• Hainbat herrialdetako pertsonek jasaten dituzten eskubide-urraketen gainean sentsibilizatzea, bereziki pertsona lekualdatuek, migratzaileek eta errefuxiatuek jasaten dituztenen gainean.     

• Errefuxiatuen krisia mundu osoko kontu bat dela ulertaraztea, ez soilik Europako kontu bat.