Presentamos unha nova proposta educativa dirixida a estudantes de secundaria para traballar, desde unha perspectiva crítica e participativa, a comprensión e a denuncia da tortura e outros tratos crueis, inhumanos e degradantes.
A guía didáctica inclúe tres talleres nos que as e os estudantes analizarán casos e testemuños cunha perspectiva de dereitos humanos, participarán en debates éticos sobre a tortura asumindo diferentes papeis e actuarán como observadores e observadoras internacionais de Nacións Unidas nunha misión aos centros de detención migratoria de “Alligator Alcatraz” e Krome, en Florida (Estados Unidos).
Obxectivos principais
- Comprender o que son a tortura e os malos tratos.
- Identificar dereitos humanos vulnerados.
- Comprender e desmontar os argumentos que xustifican a tortura e os malos tratos.
- Desenvolver un pensamento crítico contra a tortura e os malos tratos, entendendo que non son xustificables en ningunha circunstancia.
- Promover unha cultura de dignidade, xustiza e non-discriminación.
Resultados de aprendizaxe
- Os e as participantes aprenderán a analizar situacións de tortura, malos tratos e abusos de poder, póndose na pel de diferentes actores e institucións.
- Aprenderán a diferenciar entre situacións de violencia de distinto tipo, malos tratos e tortura.
- Aprenderán a analizar testemuños e feitos desde unha perspectiva crítica e de dereitos humanos.
- Aprenderán (ou perfeccionarán) habilidades de comunicación e argumentación respectuosa ante dilemas éticos.
- Aprenderán a establecer recomendacións e propoñer medidas de prevención, protección e reparación.
En caso de calquera consulta, dúbida ou comentario que teñades, podedes escribir a equipo.educacion@es.amnesty.org ou a redescuelas@es.amnesty.org.
Esperamos que poidades desfrutar destes talleres. Seguimos!