![[Translate to Euskera:] Activistas de derechos humanos sujetando retratos de los casos de este año de Escribe por los Derechos ©AI](/fileadmin/user_upload/W4R-2023_GenericBanner1_Website.jpg)
Aurten ere, Giza Eskubideen Nazioarteko Egunaren harira (abenduak 10), elkartasun-gutun eta -mezuen nazioarteko bilketa handienean parte hartzea proposatu nahi dizuegu. 150 herrialdetan gauzatuko den ekimena da, eta mundu osoko giza eskubideen defendatzaileen alde egiteko balio du.Milioika elkartasun-gutun, -sinadura eta -mezu bilduz, laguntza behar duten pertsona zehatzen alde esku hartu dugu, eta horietako batzuen bizitza hobetzea lortu dugu.
Gainera, aurten 75 urte bete ditu Giza Eskubideen Adierazpen Unibertsalak, eta horrek aukera eman digu mundu osoan gehien itzuli den dokumentuaren garrantziaz hausnartzeko eta haur zein nerabeei ezagutzera emateko zein diren pertsona orok aitortuta dituen askatasunak eta bermeak.
2023ko abenduan eta 2024ko urtarrilean honako hauen alde esku hartzea proposatzen dizuegu:
Maung Sawyeddollah. Facebooki aurka egiten ari da, Myanmarreko basakerietan izandako erantzukizunagatik.
Justyna Wydrzyńska. Arriskurik gabeko abortua defendatzeagatik auzipetuta dago Polonian.
Ahmed Mansoor. Arabiar Emirerri Batuetan espetxeratuta dute botereari egia esateagatik.
Rocky Meyers. Heriotza-korridorean dago Estatu Batuetan.
Virginia Laparra. Ustelkeriaren aurkako fiskalada, eta espetxeratuta dago Guatemalan.
Gutun-maratoian parte hartzeko, urrats hauek egin behar dituzue:
1. Sartu aurkezpen interaktiboan; bertan azalduta dauzkazue aurreko urteetako lorpenak, gutun-maratoiaren funtzionamenduari buruzko xehetasunak eta nola alda dezakezuen gure mobilizazioen jomuga diren pertsonen bizitza. Proiektatu egin dezakezue, edo parte-hartzaileei banatu diezaiekezue.
2. Zabaldu maratoiaren informazioa. Eskaintzen dizkizuegun horma-irudiak erabil ditzakezue, edo goian aipatutako pertsonei buruzko muralak eta marrazkiak egitea proposa dezakezue, eta ondoren mundu guztiak ikusiko dituen tokiren batean jarri (korridoreak, sarrerak, kafetegia, liburutegia, etab.).
3. Egin Giza Eskubideen Adierazpen Unibertsalari buruzko jarduerak. Horretarako, erabili guk eskainitako hezkuntza-materiala. Deskarga ditzakezuen zenbait baliabide ditu (giza eskubideen pasaportea eta mapa, Adierazpenari buruzko kahoota eta bideo osagarriak).
4. Bat egin maratoiarekin, eta esku hartu pertsona baten edo batzuen alde. Zenbait aukera dituzue: gutunak idaztea, marrazkiak egitea, elkartasun-mezuak idaztea… Aukeratu hobekien datozkizuenak!
5. Bidali zuen ekintzen argazkiak eta bideoaredescuelas@es.amnesty.org helbidera. Bideo bat egin nahi dugu, Hezkuntza Sarean maratoiaren harira izandako mobilizazioa ezagutzera emateko.
Beharrezko material guztiak esteka honetan daude eskuragarri.>