Parte-hartzaileek oposizio baketsuari buruz eta adierazpen-askatasunerako eskubideari buruz (barne hartzen du informazioa bilatu, jaso eta zabaltzeko eskubidea) ikasiko dute Aleksandra Skochilenko artistaren kasu errealaren bidez; Errusiako agintariek atxilotu egin zuten, modu baketsuan aurka egiteagatik Errusiak Ukrainaren aurka hasitako gerrari. Jardueran, Aleksandra berehala eta baldintzarik gabe aske utz dezatela eskatzeko eta harekiko elkartasuna adierazteko gutun bat idaztea proposatzen zaie parte-hartzaileei.
Ikaskuntzaren emaitzak.Parte-hartzaileak:
Adierazpen-askatasunaren kontzeptua ulertuko dute, eta norberaren bizitzarekin lotzen jakingo dute.
Adierazpen-askatasunerako eskubidea urratzearen ondorioak aztertuko dituzte.
Beste eskubide batzuek adierazpen-askatasunerako eskubidearekin duten lotura ezagutuko dute.
Amnesty Internationalen “Idatzi eskubideen alde” kanpaina ezagutuko dute, eta Aleksandra Skochilenko babesteko elkartasun-gutunak idatziko dituzte.