![[Translate to Euskera:] agenda ©Pixabay StockSnap](/fileadmin/user_upload/agenda__c_Pixabay_StockSnap.jpg "[Translate to Euskera:] agenda ©Pixabay StockSnap")
2025-2026 ikasturtea amaitzear dago eta eskerrak eman nahi dizkizuegu Amnesty Internationalen ekintzetan ikasleekin egin duzuen lanagatik eta giza eskubideak defendatzen izan duzuen inplikazioagatik.
2026-27 ikasturtean jarraian agertzen diren gaiei buruzko jarduerak proposatuko dizkizuegu, irakaskuntza-plangintzan kontuan izan ditzazuen. Egutegia PDF formatuan deskargatu dezakezue “Informazio gehiago” atalean (eskuinaldean).
Gainera, giza eskubideen beste gai batzuei buruzko hezkuntza-ekintzak eta -baliabideak egongo dira; joango gara horiek argitaratzen eta horien berri ematen aldizka bidaltzen dugun buletinean. Zalantzarik izanez gero, idatzi bat bidali dezakezue helbide honetara: redescuelas@es.amnesty.org.
Uda ona igaro dezazuela!
2026ko iraila
Etxebizitzarako eskubidea historikoki babesgabe egon da Espainian. Hezkuntza-materiala eskaintzen dizuegu etxebizitza kontsumo- eta inbertsio-ondasuntzat hartzeak (giza eskubidetzat hartu ordez) duen eraginari buruz kontzientziatzeko.
2026ko urria
U7: Israel Gazako palestinarren aurka egiten ari den genozidioaren hirugarren urteurrena
Palestinako Lurralde Okupatuan bizitzen ari diren giza eskubideen krisi larriari buruz kontzientziatzen jarraituko dugu. Aurten, material berriak argitaratuko ditugu Gazan eta Zisjordanian bizitzen ari diren giza eskubideen krisi larriari buruz.
2025ean, Amnesty Internationalek gutxienez 2.707 exekuzio erregistratu zituen munduko 17 herrialdetan. Amnesty Internationalek 1981az geroztik erregistratu duen zenbateko handiena da. Material berriak argitaratuko ditugu jardunbide gizagabe horri buruz kontzientziatzeko.
2026ko azaroa
A20: Haurtzaroaren Nazioarteko Eguna
A25: Emakumeen aurkako Indarkeria Ezabatzeko Nazioarteko Eguna
“Eskubideak ekintzara” da Haurtzaro Entitateen Plataformak Haurtzaroaren 2026ko Nazioarteko Eguna ospatzeko aukeratu duen leloa. Helburua da haurren ahotsa entzutea eta beren iritzi eta proposamenak kontuan hartzea. Amnestyk bat egingo dugu beren ahotsak entzunak izan daitezen.
Zuen esku duzue erakusketa berri bat, “Bai bakarrik da bai” (jarri harremanetan hurbilen duzun AIren tokiko taldearekin), bai eta sexu-indarkeriari eta adostasunari buruz egin ditugun tailerrak ere.
Mobilizazio-ekintzak proposatzen ditugu berriro, eskoletatik bat egin dezazuen “Bizitzaren aldeko hiriak” nazioarteko ekimenarekin. “Bizitzaren aldeko eskolak” egitasmoaren bitartez, ikastetxeetatik jardun dezakezue heriotza-zigorraren aurka.
2026ko abendua
A10: Giza Eskubideen Nazioarteko Eguna
2027ko urtarrila
U31: Bakearen eta Indarkeriarik Ezaren Eskola Eguna
Beste urte batez, “Idatzi eskubideen alde”gutunak bidaltzeko maratoian parte hartuko dugu. Egitasmo horri esker, milaka pertsonak mundu mailako mobilizazio batekin bat egingo dugu aldi berean, biktimen giza eskubideak errespeta daitezela eskatzeko.
Ekintza horretan, “Oparitu zure hitzak” gure ohiko proposamena txertatuko dugu, eta ikasleek eta irakasleek mundu osoan kontzientziaz preso dauden pertsonei babesa eta elkartasuna adierazteko hitzak helarazi ahal izango dizkiete, postalen bitartez.
2027ko martxoa
Martxoaren 8aren inguruan emakumeen giza eskubideak lantzeko eta Amnesty Internationalek eta beste kolektibo batzuek Espainia osoan egingo dituzten mobilizazioetan parte hartzeko proposamenak egingo ditugu.
Martxoa arraza-diskriminazioaren aurka borrokatzeko hilabetea ere bada. Urteroko legez, arrazakeriaren aurkako kolektibo eta erakundeekin batera egingo dugun kanpainan oinarritutako hezkuntza- eta ekintza-proposamenak helaraziko dizkizuegu. Beste alderdi batzuen artean, gorroto-diskurtsoak landuko ditugu.
2027ko apirila
Haur eta nerabeen osasunerako eskubidea larriki mehatxatuta dago, hein handian teknologia digitalengatik. Zenbait material ditugu sare sozialei eta osasun mentalari buruz, eta jazarpenari buruzko (ziberjazarpena barne) material berriak argitaratuko ditugu.
Giza eskubideek zerikusi handia dute klima-aldaketarekin. Egun horietarako jada ikasturtea amaitzear egongo denez, maiatzetik aurrera sentsibilizazio-jarduerak proposatuko ditugu, ikastetxe osoan edo talde txikietan egiteko.
Iragana ezagutzea ezinbestekoa da zauriak sendatzeko, biktimei justizia eskaintzeko eta oinarri sendoak dituen gizarte demokratikoa berreraikitzeko. Frankismoari eta giza eskubideei buruzko tailer hauek egitea proposatzen dizuegu ikasturtea amaitu baino lehen. Gainera, “El Silencio de Otros” dokumentalean oinarritutako materialok dituzue.
2026-2027 ikasturte osoa
Giza Eskubideen Aldarrikapen Unibertsala ezagutarazteko, honako hau daukazue zuen esku: giza eskubideei buruzko erakusketa, Frente Viñetista-rekin lankidetzan.
Gainera, Frente Viñetista-rekin dugun lankidetza berritu dugu. Ez galdu aukera tailer praktikoak antolatzeko binetagile ospetsuen partaidetzarekin giza eskubideen arloko gaiak praktikoki eta umore grafikotik lantzeko.
Era berean, arretaz jarraituko dugu nazioarteko gaurkotasuna, eta erreakzionatu eta ekintzak proposatuko ditugu, dagokionaren arabera. Esate baterako, jardunbide autoritarioei buruzko tailerrak proposatuko dizkizuegu.