Dámosvos a benvida a un novo curso escolar, que estamos seguros/as de que vai deixar atrás as dificultades vividas durante o último ano e medio.
Propómosvos que este sexa un curso en que as vosas aulas se convertan en espazos decididos de loita polos dereitos humanos. Os dereitos da muller, a loita polo cambio climático ou a resposta decidida aos crimes e discursos de odio precisan de estudantes críticos, que saiban recoñecer que está a suceder unha violación de dereitos humanos para poder actuar e combatela.
Para isto, o profesorado é parte fundamental. Agora, máis ca nunca, o alumnado necesita do voso compromiso coa loita polos dereitos humanos. Necesitámosvos para lles dar visibilidade ás terribles desaparicións en México, para lanzar palabras de alento a presos/as de conciencia en todo o mundo, para loitar contra a violencia de xénero ou para facer visible o heroico traballo dos defensores e defensoras de dereitos humanos.
Botade unha ollada ao noso calendario de traballo nestaligazón.