Os días 13 e 16 de setembro cúmprese o aniversario da detención e posterior morte de Mahsa Amini, o que desencadeou unha onda de protestas e a brutal represión posterior por parte das autoridades iranianas. Mahsa Amini foi detida pola “policía da moral”, órgano gobernamental que somete de forma habitual a mulleres e nenas a detención arbitraria, tortura e outros malos tratos por non cumpriren coas leis abusivas, degradantes e discriminatorias sobre o uso obrigatorio do veo.
A represión en todo o país contra as mulleres e nenas que deciden non levar o veo en público non cesou. Ademais, centos de nenas foron envelenadas nas escolas por exerceren o seu dereito á protesta. Velaquí tes máis información da situación actual que se vive en Irán.
Que podes facer ti?
Actuar para apoiar a loita das mulleres e as nenas iranianas e esixir que a comunidade internacional dea unha resposta contundente que lle poña fin á represión e violencia contra as mulleres e á brutalidade exercidas polo estado de Irán.
Cando?
Animámoste a realizar estas accións en grupo nos meses de setembro e outubro, aínda que poden levarse a cabo durante todo o curso.
Podes descargar a proposta aquí.